Mein Muddat Say Iss Aas Per Jee Rahi Hoon - Beautiful Hamad Urdu Lyric

Hamad
Khuda kab bula ley mujhey apaney ghar mein
Mein muddat say iss aas per g rahi hoon
Kabi tou suney ga duaen wo meri
Mein muddat sey iss aas par g rahi hoon

Meray samney ho wo Kaaba ki chokhat
Wo Rukan-e-Yamani, wo Mezab-e-Rehmat
Mein sihan-e-Haram mein karon ja ke sajdey
Mein mudat say iss aas par g rahi hoon

Khuda ney utara jisay aasman sey
Kia nasab tha jis ko Paighambroon ney
Usi Hijr-e-Aswad ka boosa mein lay loon
Main muddat sey iss aas par g rahi hoon

Wo shehar-e-Haram wo Madiney ki galian
Wo Arfat ka din, Mina ki wo retain
Miyassar kabi hoon mujhey sarey jalwey
Mein muddat sey iss aas par g rahi hoon

Nahin hey bharosa koi zindagi ka
Uss ko khabar hey wo sab janta hey
Bula ley ga muj ko wo marney say pehlay
Mein muddat sey iss aas par g rahi hoon

Hamad e Bari Taala Lyric - Koi Tou Hey Jo Nizam e Hasti Chala Raha Hey

Hamd 
Koi tou hey jo nizam e hasti chala raha hey, wohe Khuda hey
Dikhai bi jo na dey nazar bi jo aa raha hey, wohe Khuda hey

Talash uss ko na ker button mein - Wo hey badalti hoi rutton mein
Jo din ko raat aur raat ko din bana raha hey, wohi Khuda hey

Nazar bi rakhey samaa-tein bi - Wo jan leta hey niyatein bi
Jo khana-e la xaoor mein jagmaga raha hey, wohe Khuda hey

Kisi ko taj-e-waqar bakhshey - Kisi ko zillat key ghar bakhshey
Jo sub key mathoon pe mohar-e-qudarat laga raha hey, wohe Khuda hey

Safed uss ka siah uss ka - nafas nafas hey gawah uss ka
Jo shola-e-jan jala raha hey, wohe Khuda hey

Koi tou hey jo nizam e hasti chala raha hey, wohe Khuda hey
Dikhai bi jo na dey nazar bi jo aa raha hey, wohe Khuda hey