Aaqa Kaa Milad Aaya Charoun Tarf Noor Chayah

Charoon Tarf Noor Chahya Aaqa Ka Milad Aaya 

Khushyoun Ka Pegham Laya Aaqa Ka Milad Aaya 

Shams O Qamar Aur Taarey Kyun Na Hon Khush Aaj Saaray 

Unse Hee To Noor Paya Aaqa Ka Milad Aaya 

Khushyan Manatay Hein Wohi Dhoomein Machatay Hein Wohi 

Jin Per Hua Unka Saya Aaqa Ka Milad Aaya 

Hay Shaad Har Ek Musilmaan Karta Hay Ghar Ghar Charaghan 

Galiyun Ko Bhi Jagmagaya Aaqa Ka Milad Aaya 

Mukhtar e Kul Maanay Jou Unhe Noori Bashar Jaanay Jou Unhe 

Naara Ussi Ne Lagaya Aaqa Ka Milad Aaya 

Jo Aaj Mehfil Mein Aaye Moun Ki Muradein Woh Paye 

Sab Par Karam Ho Khudaya Aaqa Ka Milad Aaya 

Ghous Ul Wara Aur Data Ne Mere Raza Aur Khuwaja Ne 

Sab Ne He Din Ye Manaya Aaqa Ka Milad Aaya 

Naat e Nabi Tum Sunao Ishq e Nabi Ko Barhao 

Hum Ko Raza Ne Sikhaya Aaqa Ka Milad Aaya 

Jiss Ko Shajar Jaantay Hein Kehna Hajar Maantay Hain 

Aisa Nabi Hum Ne Paya Aaqa Ka Milad Aaya 

Dil Jagmaganay Lagay Hein Sab Muskaranay Lagay Hein 

Ik Kaif Sa Aaj Chahya Aaqa Ka Milad Aaya 

Kar Aey Ubaid Unki Midhat Tujh Per Khuda Ki Ho Rehmat 

Tu Ne Muqadar Ye Paaya Aaqa Ka Milad Aaya