Best Pakistani National Song Live Performed by Fariha Pervez - Yun Di Hamain Aazadi K Dunia Huwi Hairaan

Urdu lyric of national song 

Yun di hamain aazadi k dunia huwi hairaan
Aey Qauid-e-Azam tera ehsan hai ehsan
Tera ehsan hai tera ehsan
Tera ehsan hai tera ehsan

Har simt musalimanon pe cha-e thi tabaahi
Mulk apna tha aur ghairon ke hathoon mein thi shaahi
Aise mein utha Deen-e-Muhammad (PBUH) ka sipahi
Aur naara e takbeer se di tou ne gawahi
Islam ka jhanda liyeh aaya sar e maidan
Aey Qauid-e-Azam tera ehsan hai ehsan
Tera ehsan hai tera ehsan
Tera ehsan hai tera ehsan

Dekha tha jo Iqbal ne ik khuwab suhana
Uss khuwab ko ik rooz haqeeqat hai banana
Yeh socha jo tu ne to hansa tujh pe zamana
Har chaal se chaha tujhe dushman ne harana
Mara woh tou ne dao k dushman b gae maan
Aey Qauid-e-Azam tera ehsan hai ehsan
Tera ehsan hai tera ehsan
Tera ehsan hai tera ehsan

Larnay ka dushmanon se ajab dhang nikala
Na toup na bandooq na talwar na bhala
Sachhai ke anmol ussoloon ko sambhala
Jinnah tere paigham mein jadoo tha nirala
Emaan waalay chal paray sun kar tera farman
Aey Qauid-e-Azam tera ehsan hai ehsan
Tera ehsan hai tera ehsan
Tera ehsan hai tera ehsan

Punjab se Bangal se jawan chal paray
Sindhi – Balochi - Sarhadi Pathan chal paray
Ghar baar chor be sar o samaan chal paray
Saath apne muhajar liye Quran chal paray
Aur Qauid-e-Millat b chale honay ko qurban
Aey Qauid-e-Azam tera ehsan hai ehsan
Tera ehsan hai tera ehsan
Tera ehsan hai tera ehsan

Nuqsha badal k rakh diya iss mulk ka tou nay
Saaya tha Muhammad (PBUH) ka Ali (RA) ka tere sar pay
Dunya se kaha tou nay koi ham se na uljhay
Likha hay iss zameen pay shaheedon ne lahu say
Aazad hein aazad rahenge yeh musalmaan
Aey Qauid-e-Azam tera ehsan hai ehsan
Tera ehsan hai tera ehsan
Tera ehsan hai tera ehsan

Hay aaj tak hamein woh qayamat ki ghari yaad
Maiyyat pe teri cheekh ke ham ne jo ki faryad
Boli yeh teri rooh na samjho isey bedaad
Islam zinda hota hai har karbala ke baad
gar waqt parey mulk pe hojayen qurban
Aey Qauid-e-Azam tera ehsan hai ehsan

Yun di hamain aazadi k dunia huwi hairaan
Aey Qauid-e-Azam tera ehsan hai ehsan
Tera ehsan hai tera ehsan
Tera ehsan hai tera ehsan