Sajaye bethaa hoon aik jalwa zaar aankhoon mein
Diar e Pak ka har manzar haseen o jamil
Rahey ga kaaba qaza yad gar aankhoon mein
Ata kia jo Madinay kay basyioon ney mujhey
Mehak raha hey ab tak wo piyar aankhon mein
Abb iss say barh ke koi surma aur kia ho ga
Samait laya hoon mein kuch ghubaar aankhon mein
Baghair dekhey Madina inhain nazar aaya
Hein munfarid meri aankhain haazar aankhoon mein
Tarap hey dil main Madinay ke jalva zaroon key
Aur intizar e safar beqarar aankhon mein
Sunaoon ga wo kahani Huzoor ko jaa kar
Chupaye baitha hoon jo ashkbaar aankhon mein
Hay aitimad b Iqbal ko shafa-at per
Saza ka khauf b hey gunahgar aankhoon mein
Basa huwa hey nabi ka diaar aankhoon mein
Sajaye bethaa hoon aik jalwa zaar aankhoon mein
No comments:
Post a Comment