aey meray piyaray watan
Tujh say hay meri tamanna-oon ki dunya pur noor
Azm mera kahin meray iraaday hain ghayyur
Meri hasti mein ana hay meri masti mein shaoor
Jaan fiza mera taqayyul hay tou shireen hay suqann
Aey meray piyaray watan
Tu dil afroz baharoon ka taro taza hay chaman
Tu mehiktay huway phoolon ka suhana gulshan
Tu nawarez ana dil ka bahari maskan
Rang o aahang say mamoor hay teray koho chaman
Aey meray piyaray watan
Mera dil teri mohabbat ka jaanbakhsh dayyar
Mera sina teri hurmat ka hay sangeen hisar
Meray mehboob watan tuj pay agar jaan ho nisaar
Mein yeh samjhoon ga thikaney laga sarmaya e tan
Aey watan piyaray watan
Aey watan piyaray watan pak watan pak watan
Aey meray piyaray watan
No comments:
Post a Comment