Na Kaleem Ka Tasawar Na Khayal e Toor e Sina Naat Lyric

Na Kaleem ka tasawar na khayal e Toor e Sina
Meri arzoo Muhammad (PBUH) meri justajoo Madina

Mein gaday Mustafa (PBUH) hoon meri azmatein no pochoo
Mujey dekh ker jahanam ko b aa gaya pasina

Mujhey dushmnoon na cheroo mera hey koi jehan mein
Mein abi pukar loon ga nahin dour hey Madina

Mein mariz Mustafa (PBUH) hoon mujhay cheero na tabiboo
Meri zindagi jo chaho mujhy lay chalo Madina

Merey doobney mein baqi na koi kasar rahi thi
Kaha Al Madad Muhammad (PBUH) tou ubhar gaya safina

Siva iss k merey dil mein koi aarzoo nahin hey
Mujy mout b jo aye tou ho samney Madina

Kabi aey Shakil dill say na mitey khayal e Ahmed (PBUH)
Issi aarzoo mein marna issi arzoo mein jina

Na Kalim ka tasawwar na khayal e Toor-e-Seena
Meri aarzo Muhammad (PBUH) meri justajoo Madina