Ab Meri Nigahon Mein Jachta Nahi Koi
Jaisay Meray Sarkaar Hain Waisa Nahi Koi
Tumsa Tou Haseen Aankh Ne Dekha Nahi Koi
Ye Shaan-e-Latafat Hai Keh Saaya Nahi Koi
Yeh Toor Say Kehti Hai Abhi Tak Shab-e-Mairaj
Sarkaar Ka Jalwa Hai Tamashaa Nahi Koi
Hota Hai Jaha Zikr Muhammad (PBUH) Kay Karam Ka
Uss Bazm Mein Mehroom-e-Tamanna Nahi Koi
Aizaz Yeh Haasil Hai Tou Hasil Hai Zameen Ko
Afflaak Pe Tou Gumbad-e-Khizra Nahi Koi
Sarkar Ki Rehmat Ne Magar Khoob Nawaza
Ye Sach Hai Ke Majid Sa Nikamman Nahi Koi
No comments:
Post a Comment